15 Minutes Recipes:आप्पेपात्रात करा कुरकुरीत राजस्थानी घेवर , पाहा भन्नाट आणि युनिक रेसिपी

राजस्थानच्या सांस्कृतिक वारशाचा एक महत्त्वाचा भाग असलेला घेवर हा गोड पदार्थ विशेषतः सणासुदीच्या काळात बनवला जातो. पावसाळा, रक्षाबंधन आणि इतर उत्सवांमध्ये घेवरची मागणी अधिक असते. याची जाळीदार रचना, कुरकुरीत चव आणि वरून घालण्यात येणारी रबडी, साखरेचा पाक, सुका मेवा किंवा केशर यामुळे घेवर खवय्यांमध्ये अत्यंत लोकप्रिय आहे. पारंपरिक घेवरासोबतच आता बाजारात चॉकलेट, मावा, रबडी आणि ड्रायफ्रूट यांसारख्या विविध प्रकारांचे घेवर उपलब्ध आहेत. त्यामुळे, या गोड पदार्थाची लोकप्रियता वाढत आहे. घरच्या घरी मिनी घेवर बनवणं अगदी सोपं आहे. मोठ्या आकाराच्या घेवरपेक्षा मिनी घेवर बनवण्यासाठी कमी वेळ लागतो आणि ते लहान आकारामुळे पटकन तयार होतात. अवघ्या १५ मिनिटांत मिनी घेवर तयार करून त्यावर रबडी, साखरेचा पाक किंवा आवडीनुसार सुका मेवा घालून आकर्षक पद्धतीने सर्व्ह करता येतात. सण-उत्सव, पाहुणचार किंवा गोड खाण्याची इच्छा झाली तर झटपट तयार होणारे मिनी घेवर हा उत्तम पर्याय ठरू शकतात. यासाठी विशेष उपकरणाची आवश्यकता नाही, कारण आप्पेपात्रातही ही रेसिपी सहजतेने करता येते.

मिनी घेवर तयार करण्यासाठी लागणारे साहित्य अगदी साधे आहे. यामध्ये तूप, साखर, पाणी, बर्फ, मैदा, बेसन, रबडी, बदाम, काजू आणि पिस्ता यांचा समावेश आहे. कृती सुरू करण्यासाठी एका मिक्सरच्या भांड्यात बर्फाचे तीन ते चार तुकडे घाला. त्यात चार चमचे तूप, दोन चमचे मैदा आणि एक चमचा बेसन घाला. याला मिक्सरमध्ये चांगले फिरवून घ्या. यामुळे एक पातळ मिश्रण तयार होईल. यानंतर त्यात पाणी घालून पुन्हा मिक्स करा, ज्यामुळे एक छान पेस्ट तयार होईल. याची पातळता योग्य असावी लागते.