SIP Investment Insights:दरमहा १० हजार की १५ हजार? १० वर्षांच्या फरकामुळे थेट २ कोटींचे नुकसान कसे होते? पाहा SIP चं गणित

रमेश आणि सुरेश हे लहानपणाचे मित्र आहेत. त्यांनी एकत्र शालेय शिक्षण घेतले आणि नंतर एकाच कंपनीत नोकरी सुरू केली. रमेशने वयाच्या तिसऱ्या वर्षी १० हजार रुपयांची एसआयपी सुरू केली, तर सुरेशला याबद्दल १० वर्षांनी जाग आली. त्याने चाळीसाव्या वर्षी १५ हजार रुपयांची एसआयपी सुरू केली. दोघांची गुंतवणूक वयाच्या ६० वर्षांपर्यंत सारखीच राहिली, परंतु त्यांना मिळालेल्या परताव्यात १.५० कोटी रुपयांचा मोठा फरक दिसून आला. जर तुम्ही एसआयपीद्वारे म्युच्युअल फंडात गुंतवणूक करत असाल, तर या गणिताचे महत्त्व समजून घेणे अत्यंत आवश्यक आहे.

म्युच्युअल फंडात गुंतवणूक करताना अनेकांना असं वाटतं की जास्त पैसे गुंतवल्याने मोठा परतावा मिळेल. खरं तर, गुंतवणुकीची रक्कम महत्त्वाची असली तरी, बाजारात किती काळ गुंतवणूक केली जाते हे अधिक महत्त्वाचे आहे. उदाहरणार्थ, २० वर्षांसाठी दरमहा १५ हजार रुपये गुंतवणे योग्य आहे की ३० वर्षांसाठी दरमहा १० हजार रुपये गुंतवणे? या प्रश्नावर विचार केल्यास, कालावधी हा रक्कमेच्या तुलनेत कितीतरी अधिक प्रभावी ठरतो, हे स्पष्ट होते.

या विश्लेषणातून भांडवली बाजारातील चक्रवाढ व्याजाची ताकद स्पष्ट होते. सुरेशने रमेशपेक्षा दरमहा ५,००० रुपये जास्त गुंतवले तरी, कालावधी कमी असल्यामुळे त्याचा अंतिम परतावा १.५० कोटींवरच मर्यादित राहिला. याउलट, कमी रक्कम गुंतवून अधिक काळ गुंतवणूक केल्यास निधी दुप्पट होऊ शकतो. आर्थिक तज्ज्ञांचे म्हणणे आहे की, जर एखाद्या गुंतवणूकदाराने ३० वर्षांसाठी १०,००० रुपयांची एसआयपी सुरू केली आणि दरवर्षी १०% वाढ केली, तर त्याचे चित्र पूर्णपणे बदलू शकते. ३० वर्षे १०,००० रुपये गुंतवणूक केल्यास तुम्हाला ३.५४ कोटी रुपये मिळू शकतात. यामध्ये स्टेप-अप एसआयपी केल्यास अंतिम रक्कम ११.४० कोटींपेक्षा जास्त होऊ शकते.