Apple's Record Performance in India: भारतात Appleची विक्रमी कामगिरी! वर्षभरात विकले तब्बल ८७,००० कोटी रुपयांचे iPhones

Apple iPhone: भारतातील स्मार्टफोन क्षेत्रात Appleची लोकप्रियता वाढत आहे, आणि याचे ठोस प्रमाण आर्थिक वर्ष २०२५-२६ च्या आकडेवारीत दिसून येते. या वर्षी कंपनीने भारतात १० अब्ज डॉलर्स (सुमारे ₹९५ हजार कोटी) विक्रीचा टप्पा गाठला आहे, जो भारतातील Appleसाठी सर्वाधिक वार्षिक महसूल आहे. या यशामागे कंपनीने भारतात अनेक शहरांमध्ये अधिकृत Apple Stores सुरू केले आहेत आणि iPhone उत्पादनाची मोठ्या प्रमाणावर असेंब्ली केली जात आहे. त्यामुळे भारत हा Appleसाठी एक महत्त्वाचा बाजार बनत आहे, जिथे विक्री आणि उत्पादन दोन्ही वाढत आहेत.

Appleच्या यशाचे मुख्य कारण म्हणजे त्यांची 'हाय प्रॉफिट मार्जिन'. इतर कंपन्यांच्या तुलनेत Apple कमी उत्पादनांची विक्री करूनही अधिक महसूल मिळवते. विशेष म्हणजे, जगभरातील काही बाजारपेठांमध्ये iPhoneच्या विक्रीत घट होत असताना, भारतात मात्र iPhoneची मागणी वाढत आहे. Appleच्या विक्रमी महसुलामध्ये iPhoneचा मोठा वाटा आहे, ज्यामुळे कंपनीने भारतात सुमारे ₹८७ हजार कोटींची कमाई केली आहे. याशिवाय, MacBook, iPad, Apple Watch आणि AirPods यांसारख्या उत्पादनांच्या विक्रीतही वाढ होत आहे, विशेषतः iPhone १५, १६ आणि १७ मालिकेच्या लॉन्चनंतर.

Appleचे CEO टिम कुक यांनी भारताला कंपनीसाठी महत्त्वाची बाजारपेठ मानली आहे, विशेषतः तरुण ग्राहकांमध्ये iPhoneची वाढती मागणी पाहता. भारतात उत्पादन केंद्र म्हणून Appleने आपली भूमिका वाढवली आहे, जिथे तयार होणारे iPhone युरोप आणि अमेरिकेसह इतर देशांमध्ये निर्यात केले जात आहेत. Apple पुढील महिन्यात iPhone १८ Pro मालिका आणि पहिला फोल्डेबल iPhone लॉन्च करण्याची तयारी करत आहे. या नवीन उत्पादनांची माहिती ऑनलाइन लीक झाली आहे, ज्यामुळे ग्राहक आणि तंत्रज्ञानप्रेमींचे लक्ष लागले आहे.