Political Turmoil in Shinde Sena: शिंदेसेनेत चलबिचल, भाजपात विलीन व्हायचं की...

नवी दिल्ली - सध्या शिंदेसेनेत गोंधळ सुरू आहे. भाजपामध्ये विलीन होण्याबाबत किंवा प्रहार पक्षात सामील होण्याच्या चर्चांना वेग आला आहे. लवकरच फुटीर गटाचे नेते दिल्लीमध्ये येऊन अमित शाह यांची भेट घेणार आहेत. खासदार संजय राऊत यांनी याबाबत बोलताना सांगितले की, संविधान मान्य केले आणि निवडणूक आयोगाने दिलेला चुकीचा निर्णय जर सुप्रीम कोर्टाने फेटाळून लावला, तर महाराष्ट्राच्या जनतेचा आणि देशातील लोकशाहीचा मोठा विजय असेल. राऊत यांनी पत्रकारांशी संवाद साधताना सुप्रीम कोर्टात चालू असलेल्या शिवसेना नाव आणि चिन्हाच्या खटल्यावर भाष्य केले. त्यांनी स्पष्ट केले की, शिवसेना हा पक्ष अजिबात फुटला नाही. काही आमिष आणि लोभामुळे विधिमंडळात फूट पडली असली तरी मूळ पक्ष अजूनही एकत्र आहे. सिब्बल यांनी कोर्टात मांडले की, शिवसेना नाव आणि धनुष्यबाण चिन्ह उद्धव ठाकरेंकडेच राहील. सुप्रीम कोर्टाने याबाबत अनेक प्रश्न उपस्थित केले आणि आमच्या वकिलांनी त्यांचे समाधान करण्याचा प्रयत्न केला. हा खटला ऐतिहासिक असून, देशातील संविधानाची जाणीव न्यायाधीशांना आहे, हे राऊत यांच्या निरीक्षणात स्पष्ट झाले. या खटल्याच्या निकालाचे देशातील लोकशाहीवर दूरगामी परिणाम होणार आहेत, असे त्यांनी म्हटले. त्यामुळे आम्ही निश्चिंत आहोत. ज्यांनी बेईमानी केली आहे, त्यांना कायद्याच्या माध्यमातून संपवण्याचा विश्वास आहे, असे राऊत म्हणाले.

सुप्रीम कोर्टात शिवसेनेचे वकील कपिल सिब्बल यांनी अत्यंत योग्य पद्धतीने धारदार युक्तिवाद केला. त्यांनी स्पष्ट केले की, विधिमंडळ गट फुटला म्हणून मूळ राजकीय पक्षात फूट पडली, हे मान्य करणे योग्य नाही. सिब्बल यांनी कोर्टाच्या सरन्यायाधीशांच्या खंडपीठाला पटवून दिले की, जर निवडणुकीत एकाच चिन्हावर निवडून आलेले लोक कायद्याचे बंधन न पाळता दुसऱ्या पक्षात जाऊन सत्तेत घुसू लागले, तर देशातील लोकशाही आणि संविधानाला अर्थ राहणार नाही. त्यामुळे कोर्टाने अशा लोकांवर बंधने आणायला हवीत, अशी अपेक्षा राऊत यांनी व्यक्त केली. याबाबत सिब्बल यांनी कोर्टात युक्तिवाद करताना न्यायालयाच्या मनात असलेल्या शंकांचे निरसन केले. त्यांनी सुनावणीच्या दरम्यान कोर्टाने आमच्या युक्तिवादाला महत्त्व दिल्याचे सांगितले.