Police Transfers in Pune:पुणे पोलिस दलातील अधिकाऱ्यांच्या बदल्या

पुणे शहरातील पोलिस दलात तात्पुरत्या स्वरूपात काही महत्त्वाच्या बदल्या करण्यात आल्या आहेत. या बदल्या पोलिस आयुक्त अमितेशकुमार यांच्या आदेशानुसार करण्यात आल्या असून, संबंधित अधिकाऱ्यांना त्यांच्या नवीन कार्यस्थळी तात्काळ हजर होण्याचे निर्देश देण्यात आले आहेत. या बदल्या पोलिस आस्थापना मंडळाच्या ४ ऑगस्ट रोजी झालेल्या बैठकीत घेतलेल्या निर्णयानुसार करण्यात आल्या आहेत. महाराष्ट्र पोलिस अधिनियमातील तरतुदीनुसार प्रशासकीय कारणास्तव या बदल्या आवश्यक ठरल्या आहेत. त्यामुळे शहरातील पोलिस कार्यप्रणालीत सुधारणा होण्याची अपेक्षा आहे.

बदललेल्या अधिकाऱ्यांमध्ये सहायक पोलिस निरीक्षक अर्जुन रामभाऊ कुदळे यांची खडक पोलिस ठाण्यातून मांजरी पोलिस ठाण्यातून विश्रामबाग पोलिस ठाण्यात बदली करण्यात आली आहे. त्याचप्रमाणे सहायक पोलिस निरीक्षक अस्मिता बाळासो लाड आणि प्रसन्न त्रिंबक जर्हाड यांची गुन्हे शाखेतून खडक पोलिस ठाण्यात बदली झाली आहे. पोलिस उपनिरीक्षक सत्यवान शंकर गेंड यांची गुन्हे शाखेतून विश्रामबाग पोलिस ठाण्यात आणि पोलिस उपनिरीक्षक मधुकर ज्ञानदेव तुपसौंदर यांची गुन्हे शाखेतून समर्थ पोलिस ठाण्यात बदली करण्यात आली आहे. या सर्व अधिकाऱ्यांना त्यांच्या नवीन कार्यस्थळी तात्काळ हजर होऊन कार्यभार स्वीकारण्याचे निर्देश देण्यात आले आहेत.