Opening Doors for GenZ: टीसीएस, इन्फोसिससह अनेक दिग्गज कंपन्यांनी GenZ's साठी दरवाजे उघडले; या 'स्किल'ला सर्वाधिक मागणी...

आर्टिफिशियल इंटेलिजन्स (AI) क्षेत्रात जागतिक स्पर्धा वाढत असताना, भारतातील प्रमुख IT कंपन्यांनी AI कौशल्य असलेल्या तरुणांना महत्त्व देण्यास सुरुवात केली आहे. TCS, Infosys, HCLTech आणि Tech Mahindra यांसारख्या कंपन्यांनी आर्थिक वर्ष २०२६-२७ साठी कॅम्पस भरती पुन्हा सुरू केली आहे. यावेळी भरती फक्त अभियंत्यांवर नाही तर AI तज्ज्ञ तयार करण्यावर केंद्रित आहे. चीन, अमेरिका, दक्षिण कोरिया आणि तैवान यांसारख्या देशांमध्ये AI क्षेत्रात प्रगती होत असताना, भारतातही या तंत्रज्ञानाचा विस्तार होत आहे. तथापि, जागतिक स्तरावर स्पर्धा करण्यासाठी भारताला अजून मोठा विकास साधावा लागेल. याच पार्श्वभूमीवर भारतीय IT कंपन्या महाविद्यालयांमधून अशा उमेदवारांची निवड करत आहेत, ज्यांना AI, मशीन लर्निंग आणि आधुनिक तंत्रज्ञानाची समज आहे.

Tech Mahindra ने कॅम्पस भरती सुरू करण्याची घोषणा केली आहे, ज्यामध्ये कौशल्याला प्राधान्य दिले जात आहे. पूर्वी हजारोंच्या संख्येने फ्रेशर्सची भरती केली जात होती, परंतु आता कंपन्या अशा उमेदवारांना संधी देत आहेत, जे पहिल्या दिवशीपासून AI आधारित प्रकल्पांवर काम करू शकतील. Wipro आणि Persistent Systems सारख्या काही कंपन्या अनुभवी उमेदवारांवर अधिक लक्ष केंद्रित करत आहेत. AI मुळे IT क्षेत्रात Forward Deployed Engineers (FDEs) या नव्या प्रकारच्या अभियंत्यांची मागणी वाढत आहे. या भूमिकेसाठी आवश्यक कौशल्यांमध्ये व्यवसायातील समस्यांचे विश्लेषण आणि उपाय शोधण्याची क्षमता समाविष्ट आहे. TCS च्या मुख्य कार्यकारी अधिकारी के. कृतिवासन यांनी कंपनी ९,००० FDEs भरती करणार असल्याची माहिती दिली आहे, तर Infosys ६,००० FDEs तयार करण्याच्या तयारीत आहे. HCLTech विशेष दर्जाच्या फ्रेशर्सना प्रशिक्षण देणार आहे, तर LTIMindtree १,००० हून अधिक AI अभियंते तयार करण्याचे उद्दिष्ट ठेवत आहे.