Body Cameras for RTO Officials: लातूर RTO अधिकाऱ्यांच्या गणवेशावर 'बॉडी वेअरेबल कॅमेरे'; लाचखोरी अन् खोट्या तक्रारींना वेसण

महाराष्ट्र शासनाच्या परिवहन विभागाने पारदर्शकता, सुरक्षितता आणि कार्यक्षमता वाढवण्यासाठी एक महत्त्वपूर्ण निर्णय घेतला आहे. लातूरच्या क्षेत्रीय परिवहन कार्यालयाने आपल्या अधिकाऱ्यांना 'बॉडी वेअरेबल कॅमेरे' प्रदान केले आहेत. या कॅमेऱ्यांच्या मदतीने रस्त्यावर होणाऱ्या वाहन तपासणी, नियमभंगावरील कारवाई आणि विविध चाचण्यांचे कामकाज अधिक पारदर्शक आणि विश्वसनीय बनवले जाईल. या तंत्रज्ञानामुळे अधिकारी आणि नागरिक यांच्यातील संवाद अधिक सुसंगत आणि सभ्य होईल, ज्यामुळे खोटी तक्रारी आणि गैरसमज कमी होण्यास मदत होईल. या कॅमेऱ्यांमुळे प्रत्येक कारवाईची वस्तुनिष्ठ नोंद ठेवली जाईल, ज्यामुळे कोणत्याही वादग्रस्त प्रकरणात वस्तुस्थिती स्पष्ट करण्यात मदत होईल. यामुळे नागरिकांचा परिवहन विभागावरील विश्वास वाढेल आणि कामकाजात उत्तरदायित्वही वाढेल.

या बॉडी कॅमेऱ्यांच्या माध्यमातून रस्त्यावर होणाऱ्या सर्व प्रकारच्या तपासण्या आणि कारवाईंचे ध्वनिचित्रमुद्रण होईल. वाहनचालकांच्या परवाना चाचणीपासून ते वाहनांच्या फिटनेस तपासणीपर्यंत सर्व प्रक्रियांचे रेकॉर्ड सुरक्षित स्वरूपात उपलब्ध राहील. यामुळे न्यायालयीन किंवा प्रशासकीय चौकशीमध्ये वस्तुनिष्ठ पुरावा म्हणून या ध्वनिचित्रफितींचा उपयोग होऊ शकतो. याशिवाय, या तंत्रज्ञानाचा उपयोग अधिकाऱ्यांच्या कामकाजाच्या गुणवत्तेचे मूल्यमापन, प्रशिक्षण आणि सेवा सुधारण्यासाठीही केला जाईल. त्यामुळे विभागाच्या कामकाजात सुधारणा होईल आणि नागरिकांना अधिक चांगली सेवा मिळेल.