Speeding Up Voter Verification: ठाणे जिल्ह्यात ‘एसआयआर’ मोहिमेला वेग

ठाणे जिल्ह्यात विशेष सखोल मतदार यादी फेरतपासणी (एसआयआर) मोहिमेला गती प्राप्त झाली आहे. या मोहिमेअंतर्गत ७ ऑगस्ट २०२६ पर्यंत ठाणे विभागातील ६६ लाख ४९ हजार ७५३ मतदारांपर्यंत मतदार पडताळणी अर्ज वितरित करण्यात आले आहेत. एकूण ७४ लाख ५० हजार ५१५ मतदारांपैकी बहुसंख्यक मतदारांपर्यंत प्रशासनाने पोहोचले असून, मतदार पडताळणीचे काम अंतिम टप्प्यात आहे. ठाणे जिल्हाधिकारी कार्यालयाने याबाबत माहिती दिली आहे. विशेष सखोल मतदार यादी फेरतपासणी मोहिमेचा उद्देश मतदार यादी अधिक अचूक व अद्ययावत करणे आहे. भारत निवडणूक आयोगाच्या मार्गदर्शनानुसार, या मोहिमेत प्रत्येक पात्र मतदाराच्या घरात जाऊन बूथ स्तरीय ऑफिसर (बीएलओ) मतदार पडताळणी अर्ज वितरित करतात. यामध्ये मतदाराची माहिती, पत्ता, नाव, कुटुंबीयांची माहिती व आवश्यक कागदपत्रांची पडताळणी केली जाते.

या मोहिमेचा मुख्य उद्देश नव्या मतदारांची नोंदणी करणे, स्थलांतरित मतदारांची माहिती अद्ययावत करणे, मृत मतदारांची नावे वगळणे आणि मतदार यादीतील त्रुटी दूर करणे आहे. ठाणे विभागातील १८ विधानसभा मतदारसंघांमध्ये ६,८९४ बीएलओ या मोहिमेचा कार्यान्वयन करत आहेत. ६ ऑगस्टपर्यंत ६५ लाख ५१ हजार ९८० अर्जांचे वितरण झाले होते. त्यानंतर ७ ऑगस्ट रोजी एका दिवसात ९७,७७३ अर्जांचे वितरण करण्यात आले, ज्यामुळे एकूण वितरित अर्जांची संख्या ६६ लाख ४९ हजार ७५३ झाली. अर्ज वितरणानंतर त्यांची ऑनलाइन नोंदणी प्रक्रिया देखील वेगाने सुरू आहे. ७ ऑगस्टपर्यंत ३९ लाख ७१ हजार ९८९ फॉर्मचे डिजिटायझेशन पूर्ण झाले आहे, आणि एका दिवसात ९० हजार २० फॉर्म ऑनलाइन प्रणालीत नोंदविण्यात आले आहेत. या टप्प्यात १.२१ टक्के प्रगती नोंदविण्यात आली आहे.