Organ Donation by Women:कुटुंबासाठी ६८% महिलांचा अवयवदानाचा त्याग

कुटुंबाच्या संकटाच्या काळात, विशेषतः जेव्हा घरातील कर्ता पुरुषाचा आरोग्य धोक्यात येतो, तेव्हा महिलांचा त्याग आणि समर्पण खूप महत्त्वाचा ठरतो. प्रेम, माया आणि कुटुंबाच्या भल्यासाठी महिलांनी आपल्या जीवाची पर्वा न करता अवयवदान करण्यास पुढाकार घेतला आहे. २०२५ च्या 'नोटो' (NOTTO) च्या आकडेवारीनुसार, भारतात अवयव दान करणाऱ्यांमध्ये ६८% महिला आहेत. जेव्हा कुणाला अवयवाची आवश्यकता असते, तेव्हा आई, पत्नी, बहीण किंवा मुलगी म्हणून त्या नेहमीच पुढे येतात आणि नवजीवन देण्यास तयार असतात. हे आकडेवारी केवळ संख्या नाहीत, तर कुटुंबाच्या प्रेमाची आणि त्यागाची कहाणी आहे.

अवयव दान करणाऱ्यांमध्ये महिलांचा टक्का मोठा असला तरी, अवयव स्वीकारणाऱ्यांमध्ये पुरुषांचे प्रमाण ७८% आहे. यामुळे एक महत्त्वाचा मुद्दा समोर येतो की, अवयवदान करणाऱ्या महिलांचा त्याग आणि त्याचा लाभ घेणारे पुरुष यामध्ये एक विषमता आहे. ही विषमता केवळ वैद्यकीय आकडेवारीत नाही, तर आपल्या समाजातील दृष्टीकोन आणि कौटुंबिक मानसिकतेची एक गंभीर समस्या दर्शवते. महिलांना कुटुंबाची काळजी घेणारी म्हणून पाहिले जाते, परंतु गरज पडल्यास दुसऱ्यांचा जीव वाचवण्यासाठी त्यांचा त्याग देखील महत्त्वाचा आहे.