US Preschool Fees Shock Indians:अमेरिकेतील प्री-स्कूलची फी ऐकून भारतीयांना धक्का!

परदेशातील शिक्षणाचा खर्च किती असतो, याबाबत अनेकांना उत्सुकता असते. विशेषतः अमेरिकेतील शाळांमध्ये आकारल्या जाणाऱ्या फीवर सोशल मीडियावर अनेकदा चर्चा होताना दिसते. सध्या अमेरिकेतील एका प्री-स्कूलच्या वार्षिक फीचा व्हिडीओ सोशल मीडियावर मोठ्या प्रमाणात व्हायरल झाला आहे. भारतीय कंटेंट क्रिएटर सोनल चौधरी यांनी आपल्या दोन वर्षांच्या मुलीच्या अ‍ॅडमिशनसाठी कनेक्टिकटमधील एका खासगी प्री-स्कूलला भेट दिली. या भेटीदरम्यान, त्यांनी शाळेतील सुविधा आणि फीची माहिती आपल्या अनुयायांबरोबर शेअर केली. या प्री-स्कूलची वार्षिक फी तब्बल ९ लाख रुपये आहे, जी भारतातील एक नवीन मारुती ब्रेझाच्या किमतीच्या जवळपास आहे. त्यामुळे सोशल मीडियावर या फीवर जोरदार चर्चा सुरू झाली आहे.

सोनल चौधरी सिम्सबरी येथे राहतात आणि त्यांनी शाळेतील स्टाफ सदस्य चेरिलकडून शाळेच्या कार्यपद्धती, मुलांच्या दैनंदिन अ‍ॅक्टिव्हिटीज आणि शिकवण्याच्या पद्धतीबाबत माहिती घेतली. व्हिडीओमध्ये सोनलने शाळेतील वातावरण आणि लहान मुलांसाठी उपलब्ध असलेल्या सुविधांची माहिती दिली. या प्री-स्कूलमध्ये मुलांच्या संख्येच्या तुलनेत शिक्षकांचे प्रमाण कमी ठेवण्यात आले आहे, म्हणजे एका ग्रुपमध्ये आठ मुलांसाठी दोन शिक्षक असतात. यामुळे प्रत्येक मुलाकडे वैयक्तिक लक्ष देण्याचा प्रयत्न केला जातो. मुलांना केवळ पुस्तकांमधून शिकवण्याऐवजी विविध अ‍ॅक्टिव्हिटीजच्या माध्यमातून त्यांचा सर्वांगीण विकास करण्यावर भर दिला जातो. यामध्ये गाणे, योग, क्रिएटिव्ह प्ले आणि सुरुवातीच्या शिक्षणाशी संबंधित विविध उपक्रमांचा समावेश आहे.