Voice Behind Ravana: 'रामायण' चित्रपटात यशने साकारलेल्या रावणाला आवाज देणारा अभिनेता

नितेश तिवारी यांच्या ४००० कोटी रुपयांच्या ‘रामायण’ चित्रपटाचा ट्रेलर लाँच झाल्यानंतर प्रेक्षकांमध्ये या चित्रपटाबद्दलची उत्सुकता वाढली आहे. या महत्त्वाकांक्षी प्रोजेक्टला जागतिक स्तरावर पोहचवण्यासाठी ‘रामायण’ इंग्रजी भाषेतही प्रदर्शित होणार आहे. काही दिवसांपूर्वी निर्मात्यांनी या चित्रपटाचा इंग्रजी ट्रेलर रिलीज केला, ज्यात यशने साकारलेल्या रावणाला एक वेगळा आवाज दिला आहे. या आवाजामुळे रावणाच्या पात्राची भव्यता आणखी वाढली आहे. सुरुवातीला अनेक प्रेक्षकांना वाटले की रावणाचा आवाज यशनेच दिला आहे, परंतु वास्तवात हा आवाज भारतीय चित्रपटसृष्टीतील प्रसिद्ध अभिनेता मोहन कपूर यांचा आहे. मोहन कपूर यांच्या आवाजामुळे यशने साकारलेल्या रावणाच्या भूमिकेला एक वेगळा आयाम प्राप्त झाला आहे. त्यामुळे ‘रामायण’च्या इंग्रजी ट्रेलरला आंतरराष्ट्रीय स्तरावर मिळालेलं कौतुक हे मोहन कपूर यांच्या आवाजामुळेच शक्य झालं आहे.

मोहन कपूर यांचा आवाज त्यांच्या गंभीर आणि भारदस्त व्यक्तिमत्त्वामुळे ओळखला जातो. त्यांनी ‘रामायण’च्या इंग्रजी आवृत्तीत यशला आवाज देऊन चाहत्यांना थक्क केले आहे. त्यांच्या आवाजात असलेलं वजन यशच्या रावणाच्या भूमिकेला एकदम शोभून दिसतं. त्यामुळे चित्रपटाच्या ट्रेलरला मिळालेलं आंतरराष्ट्रीय कौतुक हे मोहन कपूर यांच्या आवाजामुळे अधिकच प्रभावी बनलं आहे. मोहन कपूर यांची हॉलिवूडमध्येही एक महत्त्वाची उपस्थिती आहे. त्यांनी मार्वल सिनेमॅटिक युनिव्हर्सच्या ‘MS मार्वल’ या वेब सीरिजमध्ये आणि ‘द मार्व्हल्स’ या चित्रपटात कमला खानच्या वडिलांची भूमिका साकारली आहे. याशिवाय, ते ‘होमलँड’, ‘द सेकंड बेस्ट एक्झॉटिक मॅरीगोल्ड हॉटेल’ आणि ‘झिरो डार्क थर्टी’ यांसारख्या हॉलिवूड चित्रपटांमध्ये देखील काम करत आहेत.