Most Sixes In T20s 2026: मिचेल मार्शनं 'बेबी बॉस' वैभव सूर्यवंशीला टाकलं मागे; अव्वल कोण?

भारतीय क्रिकेटच्या आंतरराष्ट्रीय पातळीवर १५ वर्षीय वैभव सूर्यवंशीने आपल्या दमदार कामगिरीच्या जोरावर २०२६ मध्ये एक नवा इतिहास रचला आहे. IPL मध्ये त्याने केलेल्या तुफान फटकेबाजीमुळे त्याला इंग्लंड दौऱ्यात टीम इंडियाकडून आंतरराष्ट्रीय पदार्पणाची संधी मिळाली. सुरुवातीच्या सामन्यात थोडा अडखळत असला तरी झिम्बाब्वे विरुद्धच्या सामन्यात त्याने एक भव्य धमाका करत मालिकावीर पुरस्कार मिळवला. वैभव सूर्यवंशीने IPL मध्ये ख्रिस गेलचा सर्वाधिक षटकारांचा विक्रम मोडीत काढला आहे, ज्यामुळे तो क्रिकेट प्रेमींचा प्रिय बनला आहे. त्याच्या या कामगिरीमुळे तो २०२६ मध्ये सर्वाधिक षटकार मारणाऱ्या फलंदाजांच्या यादीत दुसऱ्या स्थानावर विराजमान झाला होता, पण आता ऑस्ट्रेलियाचा मिचेल मार्श त्याच्या पुढे निघून गेला आहे.

२०२६ या वर्षात सर्वाधिक षटकार मारणाऱ्या फलंदाजांच्या यादीत एक नजर टाकल्यास, न्यूझीलंडचा फिन ॲलन २००६ मध्ये टी-२० क्रिकेटमध्ये सर्वाधिक षटकार मारणाऱ्या यादीत अव्वल आहे. त्याने ४५ सामन्यात ९७ षटकार ठोकले आहेत. त्यानंतर ऑस्ट्रेलियाचा मिचेल मार्श द हंड्रेड टूर्नामेंटमध्ये केलेल्या उत्कृष्ट कामगिरीमुळे ३३ सामन्यात ८९ षटकारांसह दुसऱ्या स्थानावर पोहचला आहे. वैभव सूर्यवंशीने २२ टी-२० सामन्यात ८६ षटकार ठोकले आहेत, ज्यामुळे तो या यादीत तिसऱ्या स्थानावर आहे. त्याच्या या कामगिरीमुळे त्याला 'बेबी बॉस' म्हणून ओळखले जात आहे.